రాంపురం -- గ్రామ ఆర్థిక వ్యవస్థ

 రాంపురం:గ్రామ ఆర్థిక వ్యవస్థ .

💐💐💐💐💐💐💐💐💐💐💐.


1.ఉత్పత్తి కారకాలు  పేర్కొనండి?

ఉత్పత్తి కారకాలు భూమి ,శ్రమ, మూలధనం ,వ్యవస్థాపన, సాంకేతిక పరిజ్ఞానం.

2.స్థిర పెట్టుబడి అనగానేమి?

ఆర్థిక కార్యకలాపాలను కొనసాగించడానికి అవసరమైనా యంత్రాలు ట్రాక్టర్లు యంత్ర పరికరాలు పై చేసే పెట్టుబడిని స్థిర పెట్టుబడి అంటారు.

3.రాంపురం లో వ్యవసాయేతర  కార్యకలాపాలు ఏమిటీ?

వ్యవసాయం కాకుండా ఇతర కార్యకలాపాల ద్వారా ఉత్పత్తి చేపడితే వాటిని వ్యవసాయేతర కార్యకలాపాలు అంటారు .పాడి పరిశ్రమ, చిన్న తరహా వస్తువుల తయారీ ,దుకాణాల నిర్వహణ ,కోళ్ల పెంపకం ,టీ కొట్టు ల నిర్వహణ ,శీతలపానీయాల అమ్మకం ,పుస్తకాల షాపుల నిర్వహణ మొదలగునవి.

4.నిర్వాహణ పెట్టుబడి అంటే ఏమిటి?

ఉత్పత్తి కార్యకలాపాల కోసం  చేసే పెట్టుబడిని నిర్వహణ పెట్టుబడి అంటారు .   వస్తువుల తయారీకి  అవసరమయ్యే  పెట్టుబడి .

5.బౌతిక పెట్టుబడి అంటే ఏమిటి?

ఉత్పత్తి చేయడానికి రైతులకు అవసరమయ్యే ఆర్థిక వనరులను భౌతిక పెట్టుబడి అంటారు. ఉదాహరణకు రసాయనిక మందులు, సాగునీరు, పురుగు మందుల వినియోగం, అంతటిి  భౌతిక పెట్టుబడిగాా భావిస్తారు.

6.బహుళ పంటల సాగు అంటే ఏమిటి?

ఒక విస్తీర్ణంలో సంవత్సరంలో ఒకటి కంటే ఎక్కువ పంటలను సాగు చేయటాన్ని బహుళ పంటల సాగు అంటారు.

7.చిన్న కారు రైతులు అంటే ఏమిటి?

రెండు హెక్టార్ల కంటే తక్కువ  వ్యవసాయ పొలం ఉన్నటువంటి రైతులను చిన్నకారు రైతులు అంటారు .

8.M.G.N.R.E.G.A. ను విస్తరించుము?

మహాత్మా గాంధీ  జాతీయ  గ్రామీణ ఉపాధి హామీ పథకం.

9.మిగులు ఉత్పత్తి అంటే ఏమిటి?

ఉత్పత్తి అయిన  వస్తువుల నుండి  వినియోగాన్ని తీసివేస్తే వచ్చేది మిగులు    ఉత్పత్తి.

1౦.రాంపురం లోని వ్యవసాయ కూలీలకు కనీస కూలీ కంటే తక్కువ కూలి లభిస్తుంది ఎందుకు?

రాంపురం గ్రామంలో   పని చేయడానికి వ్యవసాయ కూలీల సంఖ్య ఎక్కువగా ఉంది. .కాబట్టి తక్కువ వేతనాల కే పని చేయడానికి కూలీలు సిద్ధంగా ఉంటారు.

 పెద్ద రైతులు ట్రాక్టర్లు యంత్ర పరికరాల సహాయంతో వ్యవసాయం చేయడం వల్ల గ్రామీణ ప్రాంతాలలో వ్యవసాయ కూలీలకు పని దినాలు తగ్గిపోతున్నాయి.

 కావున కూలీలకు తక్కువ వేతనాలు ఇచ్చి పని చేయించుకుంటున్నారు.

11. రాంపురం గ్రామంలో ఉత్పత్తి పెంచడానికి వివిధ పద్ధతులు ఏమిటీ?

1.సాగునీటిి సదుపాయాలను పెంచుకోవడం .2.బహుళ (అనేక) పంటల సాగు విస్తీర్ణాన్ని పెంచడం.

 3.భూసారాన్ని పెంచడం .

4.పంట మార్పిడి విధానాన్ని ప్రవేశపెట్టడం. 5.అంతర పంటల సాగు చేయడం. 

6.అధిక దిగుబడినిచ్చే విత్తనాలను వాడడం. 7.ఎరువులు రసాయనిక మందులను వ్యవసాయంలో వినియోగించడం .

8.యంత్రాలు యంత్ర పరికరాల సహాయంతో తక్కువ పెట్టుబడి తో ఎక్కువ వ్యవసాయ. దిగుబడి సాధించే పద్ధతులు వాడడం. 

12.ఒక  హెక్టార్ అంటే ఏమిటి?

భూమిని కొలవడానికి  ప్రామాణిక కొలమానంగా హెక్టార్లు ఉపయోగిస్తారు. 

ఒక హెక్టారుకు 10000 చదరపు మీటర్లు వ్యవసాయ విస్తీర్ణాన్ని కలిగి ఉంటే దాన్ని ఒక హెక్టారు అంటారు.

13.రాంపురం లో ఆధునిక వ్యవసాయ విధానాల ను పేర్కొనండి?

వ్యవసాయంలో యంత్ర పరికరాల వినియోగం పెరిగింది.

 సాగు నీటిి లభ్యత పెరగడం వల్ల విద్యుత్ యంత్రాల ను వినియోగించి నీటిని ఎక్కువ అ సాగు విస్తీర్ణానికి వాడుకుంటున్నారు.

  బోరుబావులను వినియోగించడం జరుగుతుంది.

 ట్రాక్టర్ల  వ్యవసాయ  యంత్ర పరికరాలు వరి కోత యంత్రాలు వినియోగం పెరిగింది .

బహుళ పంటల సాగు విధానం అమలులోకి వచ్చింది .

అధిక దిగుబడినిచ్చే వ్యవసాయ వంగడాలను (విత్తనాలు) వినియోగం, రసాయనిక ఎరువులు  రసాయనిక మందులు, వినియోగం పెరిగింది.